ન્યુ સ્‍વર્ણિમા યોજના ફક્ત મહિલાઓ માટે

હેતુ

ગરીબી રેખા હેઠળ જીવન ગુજારતી ઠાકોર અને કોળી જાતિઓની મહિલાઓ માટે સ્‍વભાનભેર સ્‍વરોજગારી મેળવી આર્થિક ઉત્‍કર્ષ સાધવા અંગેની ખાસ નવી યોજના. આ યોજના હેઠળ મહિલા લાભાર્થી પોતાની પસંદગી મુજબનો ધંધો/વ્‍યવસાય કરી શકશે

લોન મેળવવા માટેની પાત્રતા

અરજદાર ઠાકોર યા કોળી જાતિના મહિલા હોવા જોઇએ. અરજદારના કુટુંબની વાર્ષિક આવક, (અ) ગ્રામ્‍ય વિસ્‍તાર માટે રૂ. ૯૮,૦૦૦/- અને, (બ) શહેરી વિસ્‍તાર માટે રૂ.૧,૨૦,૦૦૦/- થી વધારે ન હોવી જોઇએ અરજદારની ઉમર અરજીની તારીખે ઓછામાં ઓછી ર૧ વર્ષ અને, ૪પ વર્ષથી વધુ ન હોવી જોઇએ. અરજદારને તાંત્રિક અને કુશળતા ધરાવતાં ધંધા/વ્‍યવસાયના કિસ્‍સામાં અનુભવ હોવો જરૂરી છે. અરજદારે લોન મેળવવા માટે યોગ્‍ય જામીન આપવાના રહેશે

યોજનાની મુખ્‍ય લાક્ષણિકતાઓ

લોનની મહત્તમ મર્યાદા રૂ.૧,૦૦,૦૦૦/- સુધીની છે વ્‍યાજનો દર વાર્ષિક ૫% રહેશે આ યોજના હેઠળ ધંધા/ વ્‍યવસાયની રકમની ૧૦૦ % લોન આપવામાં આવે છે. આ લોનની રકમ વ્‍યાજસહિત ૬૦ સરખા માસિક હપ્‍તામાં ભરપાઇ કરવાની રહેશે.